Alimlər "El-Ninyo" iqlim hadisəsinin qayıdışı ilə bağlı narahatlıq keçirirlər. Bu hadisə bir çox regionda ərzaq təhlükəsizliyini təhdid edir.
"The Guardian" yazır ki, Efiopiyada malyariya ilə El-Ninyo arasında əlaqə tapılıb. Alim Voyessa bildirib: "İqlim dəyişikliyinin təsirini azaltmaq üçün ərzaq təminatı vacibdir."
NOAA proqnozuna görə, El-Ninyo ilin sonuna kimi pik həddə çata bilər. Avstraliya Meteorologiya Bürosu da ekstremal istilər və meşə yanğınları barədə xəbərdarlıq edib.
Mütəxəssislər qeyd edir ki, keçmişdə El-Ninyo ağır iqtisadi və humanitar böhranlara səbəb olub. Bəzi alimlər bu ili "super El-Ninyo" adlandırırlar.
