Əlcəzair Prezidenti Əbdülməcid Tebbun, Azərbaycanla enerji sahəsində strateji anlaşma memorandumunu təsdiqləyib. Sənəd neft, qaz, neft-kimya və yaşıl enerji layihələrini əhatə edir.
29 noyabr 2022-ci ildə imzalanan müqavilə, iki ölkə arasında iqtisadi və sənaye əlaqələrini dərinləşdirmək məqsədi daşıyır. SOCAR, Sonatrach Raffineria Italiana şirkətinə uzunmüddətli xam neft tədarük edəcək.
Tərəfdaşlıq həmçinin yaşıl enerji, hidrogen inkişafı və nəqliyyat infrastrukturu sahələrində əməkdaşlığı nəzərdə tutur. Memorandum beşillikdir və avtomatik yenilənir.
