Ermənistan Korrupsiyaya Qarşı Mübarizə Komitəsi, "Güclü Ermənistan" partiyasının xeyrinə səs toplamaq üçün seçicilərə rüşvət verən 5 nəfərin saxlanıldığını açıqlayıb.
Oxu.Az-ın məlumatına görə, bu barədə Ermənistan KİV-i xəbər yayıb. Komitənin rəsmi açıqlamasında bildirilir ki, sahibkar Samvel Karapetyanın təsis etdiyi "Bizim Yolumuz" ictimai təşkilatının ofis rəhbəri seçicilərə rüşvət təklif edib.
Araşdırmalar nəticəsində, həmin şəxsin İrəvanda yaşayan seçiciyə cərrahi əməliyyat xərclərini ödəmək adı altında "xeyriyyəçilik" pərdəsi ilə pul verdiyi sübuta yetirilib.
Faktla bağlı cinayət işi başlanılıb, əməliyyat-axtarış tədbirləri davam edir. Saxlanılanların dəqiq sayı hələlik açıqlanmır. Samvel Karapetyanın partiyası əvvəllər də oxşar ittihamlarla üzləşib.
