"Ferrari" şirkətinin səhmləri ilk elektromobil modeli "Ferrari Luce"-nin təqdimatından sonra təxminən 8% ucuzlaşıb.
Oxu.Az xəbər verir ki, bu barədə "Bloomberg" agentliyi məlumat yayıb. Analitiklər və influenserlər modeli əsasən mənfi qarşılayıb.
Dördqapılı və beşyerlik "Ferrari Luce"-nin dizaynı "Tesla Model 3", "Nissan Leaf" və "Honda" elektromobillərinə bənzədilib. Lakin texniki göstəricilər yüksəkdir: 1000 at gücü, 2.5 saniyəyə 100 km/saat sürət, maksimal 310 km/saat.
İlin əvvəlindən bəri şirkətin bazar dəyəri 8.9% azalaraq 73.3 milyard avroya enib. Buna baxmayaraq, "Ferrari" Avropanın ən böyük avtomobil istehsalçısı olaraq qalır.
Yeni modelin qiyməti 520 min avrodan başlayır. Bu, dörd sərnişin üçün nəzərdə tutulmuş ilk "Ferrari" elektromobilidir.
