Slovakiyanın Baş naziri Robert Fitso Avropa İttifaqının güclü liderlərə ehtiyacı olduğunu vurğulayıb.
Fransa Prezidenti Emmanuel Makronu bu rola ən yaxşı namizəd adlandırıb.
Fitso tələbələr qarşısında çıxışında deyib: "Güclü liderlərə ehtiyacımız var. Kim üzərinə götürə bilər? Fikrimcə, Makron".
O, Aİ rəhbərliyini tənqid edib, Kaya Kallasın fəaliyyətindən narazı olduğunu bildirib.
Fitso Aİ-nin vahid xarici siyasət xəttinin olmadığını, bunun inteqrasiyanı təhlükəyə atdığını söyləyib.
NATO-nun vəziyyətini "tamamilə pozulmuş" adlandıran Fitso, yeni təhlükəsizlik sisteminin Aİ çərçivəsində formalaşa biləcəyini qeyd edib.
