Fransanın Tuluza şəhərində ana və iki övladı silahlanaraq məktəbə basqın edib, bir neçə nəfəri yaralayıb.
Hadisə məktəb nəzarətçisi və üçüncü sinif şagirdi arasında yaranan anlaşılmazlıqdan sonra başlayıb. Şagird valideynlərinə zəng edib, az sonra onlar silahlı şəkildə məktəbə gəliblər.
Şahidlər bildirib ki, qadın övladlarını sakitləşdirmək əvəzinə, oğlunu daha da aqressiv hərəkətlərə təşviq edib. Ailə məktəbin həyətində nəzarətçiyə və iki qız tələbəyə hücum edib.
Polis hər üç şəxsi saxlayıb. Maşınlarında bıçaqlar, ət baltası, gözyaşardıcı qaz və oyuncaq tapança tapılıb.
Prokurorluq hadisəni qəsdən adam öldürməyə cəhd kimi qiymətləndirib. Zərərçəkənlər yüngül xəsarət alsa da, məktəbdə psixoloji dəstək mərkəzi açılıb.
