Fransanın Bordo limanına çatan "Ambition" kruiz gəmisində təxminən 1700 sərnişin karantinə alınıb.
Səbəb gəmidəki bir kişinin norovirusdan yaranan qastroenteritdən ölməsidir.
Ölən şəxsin 90 yaşdan yuxarı Britaniya vətəndaşı olduğu bildirilir.
Daha 50 sərnişin və ekipaj üzvü xəstələnib, buna görə də bütün gəmi təcrid olunub.
Gəmi Şetland adalarından gələrək Belfast, Liverpul və Brestdə dayanıb.
Həkimlər sərnişinlərdən nümunələr götürüb, nəticələr çıxana qədər gəmidən çıxmaq qadağandır.
Hadisənin hantavirusla əlaqəsi yoxdur, qapalı məkanda yayılan qastroenterit epidemiyası ola bilər.
