Fransanın nüvə çəkindirmə planı NATO modelindən fərqlidir. O, nüvə silahının daimi yerləşdirilməsini və birgə istifadəsini nəzərdə tutmur.
"Der Spiegel" jurnalı mənbələrə istinadən yazır ki, Paris NATO çərçivəsindəki birgə istifadə modelini müzakirə etmir. Həmin modeldə Almaniya qırıcıları ABŞ bombalarını daşıyır, qərar isə ABŞ prezidentinə məxsusdur.
Paris daha çox hava məkanından istifadə, aviabazalar və yanacaq doldurma imkanlarını təklif edir. Müvəqqəti yerləşdirmə də mümkündür.
Fransanın nüvə arsenalında təxminən 290 döyüş başlığı var. Onlar sualtı qayıqlarda (M51 raketləri) və "Rafale" qırıcılarında yerləşdirilib.
Mart ayında Almaniya Kansleri və Fransa Prezidenti nüvə əməkdaşlığını dərinləşdirmək üçün birgə bəyannamə imzaladılar.
