Ötən gecə Rusiya paytaxtı Moskvanı şiddətli ildırım və güclü yağış vurub. Tropik leysan bir çox küçələrdə nəqliyyatın hərəkətini iflic edib.
Cəmi bir neçə saat ərzində şəhərə aylıq yağıntı miqdarının demək olar ki, yarısı düşüb. "Fobos" hava mərkəzinin aparıcı mütəxəssisi Mixail Leusun sözlərinə görə, gündəlik yağıntı miqdarı üzrə 1904-cü ilin rekordu qırılıb.
Bazar günü 28 millimetr yağıntı qeydə alınıb. Mayın 18-dən etibarən Rusiyanın mərkəzi Avropa hissəsində anormal isti hava şəraiti müşahidə olunacaq. Moskvada həftə ərzində temperatur 32 dərəcəyə çatacaq ki, bu da normadan 10-12 dərəcə yüksəkdir.
May ayında istilik ayın 20-21-də pik həddə çatacaq və bu günlərdə 130 illik rekord qırıla bilər.
