Alimlər Günəşin görünməyən tərəfində nəhəng ləkə qrupu aşkarlayıblar. Bu, son illərin ən təhlükəli aktivlik mənbəyi hesab olunur.
Rusiya Elmlər Akademiyasının Kosmik Tədqiqatlar İnstitutu bildirib ki, bu ləkələr güclü partlayışlara və plazma atılmasına səbəb ola bilər. Nəticədə Yerdə geomaqnit qasırğaları yarana bilər.
Hazırda monitorinq davam edir. Ləkələr təxminən bir həftə sonra görünən tərəfə keçəcək, daha bir həftə sonra isə Yerlə üzbəüz olacaq.
Ekspertlər qeyd edir ki, 14 gün ərzində ləkələr partlayışlarla yox ola bilər. Dəqiq proqnoz vermək çətindir.
