Türkiyənin Hatay vilayətində mağaza sahiblərindən həftəlik 7-15 min lirə (təxminən 270-560 manat) xərac yığan, qadınları zorla fahişəliyə məcbur edən cinayətkar şəbəkə ələ keçirilib.
Əməliyyat nəticəsində 39 nəfər saxlanılıb, onlardan 28-i barəsində həbs qətimkan tədbiri seçilib.
Araşdırmalar zamanı məlum olub ki, şəbəkə üzvləri qoruma adı altında pul yığıb, masaj salonlarında qadınları fahişəliyə vadar edib, ödənişdən imtina edənləri hədələyiblər.
Bundan başqa, təşkilat qəsdən xəsarət yetirmə, soyğunçuluq, təhdid, sələmçilik və vəzifə səlahiyyətlərindən sui-istifadə də daxil olmaqla 23 fərqli hadisədə iştirak edib.
Şübhəlilərin ünvanlarında silah-sursat, narkotik, boş imzalı sənədlər və müxtəlif valyutalarda pul aşkarlanıb.
