Hindistanın Andhra-Pradeş ştatının Vişaxapatnam şəhərində metallurgiya zavodunda dəhşətli yanğın baş verib.
Hadisə nəticəsində azı səkkiz işçi həlak olub, bir neçə nəfər isə xəsarət alıb.
"The Times of India" qəzetinin məlumatına görə, əridilmiş metal daşıyan çalovun aşması nəticəsində konvertor sexində güclü yanğın başlayıb.
Xəsarət alan işçilərin bədən səthinin 70 faizinə qədəri yanıb. Onlar xəstəxanaya yerləşdirilib.
Yanğının səbəbləri araşdırılır.
Hindistanın Baş naziri Narendra Modi sosial şəbəkədə paylaşım edərək həlak olanların ailələrinə başsağlığı verib, yaralılara şəfa diləyib.
