Nəhəng dəniz daşıyıcıları Hörmüz boğazındakı məhdudiyyətlərdən yayınmaq üçün yeni üsul tətbiq edir.
Financial Times xəbər verir ki, şirkətlər yanacaq nəqli üçün alternativ marşrutlara keçir.
Mediterranean Shipping Company, Maersk, CMA CGM və Hapag-Lloyd kimi nəhənglər Qırmızı dəniz və Oman körfəzi limanlarından, o cümlədən Yanbu, Kral Abdulla və Füceyrədən Dammam, Bəsrə və Cəbəl Əliyə yeni istiqamətlər yaradıb.
Bu, qismən bloklanmış Hörmüz boğazına daxil olmağa ehtiyacı aradan qaldırıb.
Şanxaydan Fars körfəzi və Qırmızı dəniz istiqamətində yükdaşıma xərcləri rekord səviyyəyə çatıb. Clarksons Research-in məlumatına görə, konteyner qiyməti 980 dollardan 4 131 dollaradək artıb.
Business Times isə qeyd edir ki, Hörmüz boğazı gələcəkdə də neft və qaz tranzitində əsas rol oynayacaq. Asılılığın azaldılması mümkün olsa da, böyük xərclər tələb edir və yeni boru xətləri dəniz tranzitini tam əvəz edə bilməyəcək.
