İran ABŞ və İsraillə qarşıdurmada qələbə qazandığını iddia edərək gələcək danışıqlar üçün xüsusi şərtlər irəli sürür.
İran parlamentinin daxili işlər komissiyasının sədri Məhəmməd Saleh Cokar "Mehr" agentliyinə verdiyi müsahibədə 10 bəndlik planın İslam Respublikası üçün toxunulmaz "qırmızı xətt" olduğunu vurğulayıb.
O deyib: "Şərtləri uğursuzluğa düçar olmuş deyil, döyüş meydanında qələbə qazanan dövlət diktə edir. Amerikalılar bizim şərtlərimizlə razılaşmalıdırlar."
Xatırladaq ki, fevralın 28-də İsrail İrana qabaqlayıcı zərbə endirib, ABŞ da hərbi əməliyyata qoşulub. İran cavab olaraq İsrailə ballistik raketlər atıb. Martın 1-də İranın Ali Lideri Əli Xameneinin hücumlar zamanı öldürüldüyü elan edilib.
İran qonşu ölkələrdəki ABŞ hərbi bazalarına raket zərbələri endirib, Hörmüz boğazında gəmi keçidi çətinləşib. Aprelin 8-də Tramp ikihəftəlik atəşkəs razılaşdığını açıqlayıb, aprelin 22-nə planlaşdırılan ikinci görüş isə baş tutmayıb.
