İran və ABŞ arasında danışıqların davam etməsi üçün Tehran 12 milyard dollar tələb edir. Bu məbləğ xaricdə dondurulmuş aktivlərdən dərhal ödənilməlidir.
"Fars" agentliyi mənbələrə istinadən bildirir ki, razılaşmanın ən vacib hissəsi məhz bu maliyyə şərtidir. İran yalnız pul köçürüldükdən sonra növbəti danışıqlara qoşulacaq.
ABŞ Prezidenti Donald Trampın razılaşmasında bu detallar qeyd olunmayıb. Lakin mənbələrə görə, məbləğ təxirə salınmadan köçürülməlidir.












