İran ABŞ-ni danışıqları təxirə salacağı ilə hədələyib. Oxu.Az xəbər verir ki, İran parlamentinin sədri Məhəmməd Baqir Qalibaf X sosial platformasında açıqlama verib.
O, İsrailin Livana qarşı hücumları davam edəcəyi təqdirdə, danışıqlar prosesini dayandıracaq və düşmənlə birbaşa toqquşacaqlarını bildirib.
Axios portalına görə, mayın 28-də Vaşinqton və Tehran 60 günlük atəşkəs və nüvə proqramı üzrə memorandum razılaşdırıb. Sənəd ABŞ prezidenti və İran rəhbərliyinin təsdiqini gözləyir.
Razılaşmaya Hörmüz boğazının açılması daxildir. Tehran 30 gün ərzində dəniz dəhlizini minalardan təmizləməli, ABŞ isə blokadanı ləğv etməli, sanksiyaları götürməli və İran aktivlərini sərbəst buraxmalıdır.
