İran hərbi rəsmisi ABŞ hücumlarına cavab olaraq neftin barelinin 200 dollara çatacağı ilə bağlı xəbərdarlıq edib.
"Xatəm əl-Ənbiya" mərkəzinin sözçüsü İbrahim Zülfüqari “X” sosial şəbəkəsində yazıb: “Amerika rəhbərliyi yalnız güc dilindən anlayır. Neftin 200 dollar olmasına hazırlaşın.”
Zülfüqari vurğulayıb ki, ABŞ Yaxın Şərqdə və İran sərhədləri yaxınlığında hərbi macəralarını davam etdirdikcə heç bir razılaşma mümkün deyil.
Daha əvvəl ABŞ Mərkəzi Komandanlığı İranın raket mövqelərinə və qayıqlarına zərbələr endirdiyini açıqlamışdı. İddiaya görə, iki İran qayığı Hörmüz boğazında minalama əməliyyatı apararkən aşkarlanıb.
