ABŞ-ın İrana qarşı hərbi əməliyyatları zamanı 42 uçuş aparatı məhv edilib və ya itib. Bunların arasında qırıcılar, PUA-lar, yanacaqdoldurma təyyarələri və xüsusi təyinatlı aviasiya vasitələri var.
Oxu.Az "İnterfax" agentliyinə istinadən bildirir ki, ABŞ Konqresinin Tədqiqat Xidmətinin hesabatında bu itkilər açıqlanıb.
Ən böyük itki "MQ-9A Reaper" PUA-larında olub: 24 ədəd məhv edilib. Hər birinin qiyməti 56 milyon dollardan yuxarıdır.
ABŞ Hərbi Dəniz Qüvvələrinin "MQ-4C Triton" kəşfiyyat PUA-sı Fars körfəzində qəzaya uğrayıb.
Üç "F-15E" qırıcısı dost atəşi ilə vurulub, biri İran səmasında məhv edilib. Bir "F-35A" stels qırıcısı zədələnib, bir "A-10" hücum təyyarəsi itib.
Bir "E-3 Sentry AWACS" radiolokasiya təyyarəsi yerdəcə məhv edilib.
Yeddi "KC-135" yanacaqdoldurma təyyarəsi zərər görüb; biri qəzaya uğrayıb, 6 ekipaj üzvü ölüb.
İki "MC-130J" xüsusi təyinatlı təyyarə yerdə məhv edilib, bir "HH-60W" helikopteri atəşə məruz qalıb.
