İsrail Hizbullah qrupuna qarşı hərbi əməliyyatların intensivliyini artırıb. Məqsəd ABŞ-İran arasında mümkün razılaşmadan əvvəl qruplaşmaya maksimum zərər verməkdir.
Oxu.Az xəbər verir ki, "Al-Monitor" nəşri İsrailin Livanla gələcək danışıqlarda daha güclü mövqe qazanmaq üçün Hizbullahı zəiflətməyə çalışdığını yazır.
Rəsmi Təl-Əviv, ABŞ-İran sazişinin İsrailin Hizbullah üzərində təsir imkanlarını məhdudlaşdırmasından narahatdır. Vaşinqton İsraili Livan hökuməti ilə danışıqlara sövq etsə də, İsrail hərbçiləri əməliyyatlarda müəyyən sərbəstliyə malikdir.
May ayında İsrail Müdafiə Qüvvələri bir gün ərzində Cənubi Livanda Hizbullahın 20 hədəfini vurduğunu bildirib. Eyni zamanda, İsrail və Livan nümayəndələrinin mayın 14-15-də Vaşinqtonda sülh sazişi üçün danışıqlar aparması planlaşdırılır.
