İsrail kosmosdan zərbə endirmək üçün yeni nəsil lazer silahları üzərində işləyir. Bu barədə müdafiə naziri İsrael Kats məlumat verib.
Nazir bildirib ki, dövlət bu strateji məqsədə çatmaq üçün ən yaxşı mütəxəssisləri cəlb edir. Məqsəd bu sahədə lider olmaqdır.
"Əgər buna nail olsaq, düşmənlərimizə qarşı həm çəkindirici, həm də hücum potensialı baxımından mütləq üstünlük qazanacağıq", - deyə Kats əlavə edib.
Qeyd edək ki, İsrail artıq "Iron Beam" adlı yerüstü lazer müdafiə sistemini yaradıb. Bu sistem PUA, raket və minaatan mərmilərini məhv edə bilir.
Hazırda mütəxəssislər hərbi təyyarələrdə quraşdırıla bilən yeni lazer silahları da hazırlayırlar.
