Türkiyəli məşhur aktyor Kadir İnanırın səhhəti pisləşib. O, ötən həftə xəstəxanaya yerləşdirilmiş və pnevmoniya diaqnozu qoyulmuşdu.
77 yaşlı aktyorun həyat yoldaşı Jülide Kural verdiyi açıqlamada Kadir İnanırın intubasiya edildiyini bildirib. Onun sözlərinə görə, ağciyərində şiş aşkarlanıb.
"Təəssüf ki, Kadir intubasiya edildi. Ağciyərində pnevmoniyanın altında şiş tapıldı. Daha asan müdaxilə etmək, əziyyət çəkməməsi və nəzarət altında müalicə üçün intubasiyaya məcbur qaldı. Çox riskli bir vəziyyətlə üz-üzəyik", - deyə Jülide Kural qeyd edib.
