ABŞ-nin Kaliforniya ştatının qubernatoru Qevin Nyusom, Orinc dairəsində baş verən kimyəvi maddə sızması səbəbindən fövqəladə vəziyyət elan edib.
Nyusom bu barədə "X" hesabında məlumat paylaşıb. Mayın 21-də "GKN Aerospace" zavodunda metilmetakrilat maddəsinin qızması nəticəsində təzyiq yüksəlib və zəhərli buxarlar yayılıb.
Xilasedicilər çəni soyutmağa çalışsa da, sızma və partlayış təhlükəsi davam edir. Polis rəisi Əmir Əl-Fərra, Qarden-Qrovda təxminən 40 min insanın təxliyə edildiyini açıqlayıb.
