Kanada hər gün 1 milyon barelə qədər xam nefti Asiyaya nəql edəcək yeni kəmər inşa edir. Bu layihə ölkənin ABŞ-dan asılılığını azaldacaq.
Baş nazir Mark Karni Kanadanı enerji supergücünə çevirməyi hədəfləyir. O, Alberta əyalətində min kilometrdən uzun kəmərin 2027-ci ilin sentyabrına qədər Britaniya Kolumbiyasının qərb sahillərinə çəkiləcəyini açıqlayıb.
Karni bu layihəni “həyatda bir dəfə ələ düşən fürsət” adlandırıb. Yeni xətt Sakit okeana gedən dağ dəhlizi ilə üst-üstə düşəcək.
Növbəti onillikdə Kanada mayeləşdirilmiş qaz istehsalını üç dəfə artıracaq. Vankuver limanının modernləşdirilməsinə 10 milyard Kanada dolları xərclənəcək.
Alberta baş naziri Danielle Smith 2035-ci ilədək neft hasilatını ikiqat artırmaq üçün kəmər tikməyi planlaşdırır. Hazırda Kanada neftinin 60%-ni ABŞ alır.
