Kanada yeddi il əvvəl Türkiyəyə PUA hissələrinin ixracını qadağan etsə də, indi Türkiyədən pilotsuz uçuş aparatları almağı düşünür.
"Middle East Eye" nəşri mənbələrə istinadən xəbər verir ki, Ottava kəşfiyyat və monitorinq üçün Türkiyə dronlarına maraq göstərir.
2019-cu ildə Türkiyənin Suriya əməliyyatları səbəbindən embarqo qoyan Kanada, indi siyasətini dəyişir. O zaman "Baykar" və TAI-nin istifadə etdiyi "Wescam" kameraları satışı qadağan edilmişdi.
Müzakirələr hələ ilkin mərhələdədir. Kanada təkcə texnoloji ehtiyaclara görə deyil, həm də ABŞ asılılığını azaltmaq üçün Türkiyə PUA-larına yönəlir.
İyulda NATO sammitində Kanada Baş naziri Mark Karni Türkiyəyə səfər edəcək. Payızda isə müdafiə əməkdaşlığı, xüsusilə PUA texnologiyaları müzakirə olunacaq.
