Baku TV-nin "Oralarda necədir?" rubrikasında Kanar adalarının fərqli xüsusiyyətləri araşdırılıb. Atlantik okeanında yerləşən bu adalar Lanzarot mağaraları və Fuertoventura çimərliyi ilə tanınır.
Həyat okeanla vəhdət təşkil edir: uşaqlar erkən yaşda üzməyi öyrənir, sörfinq ən populyar idman növüdür.
İspaniya qanunlarına görə, bütün çimərliklər pulsuzdur və ödənişli çimərlik qadağandır.
Ekologiyaya xüsusi diqqət yetirilir. Günəş enerjisi geniş istifadə olunur, aloe plantasiyaları iqtisadiyyatın bir hissəsidir.
Təhsil sistemi fərqlidir: valideyn iclasları ümumi deyil, fərdi və məxfi görüşlər keçirilir. Maddi imkanı zəif ailələrin uşaqları məktəbdə pulsuz yemək alır.
Qayaların içində salınmış evlər yayda sərin, qışda isti olub əsrlərdir yaşayış üçün istifadə olunur.
