2021-ci il yanvarın 6-da ABŞ Kapitoliyə hücumda iştirak etdiyinə görə məhkum edilmiş şəxs Pentaqonun terrorizmlə mübarizə şöbəsində işə qəbul olunub.
"The Washington Post" qəzeti mənbələrə istinadən xəbər verir ki, həmin vaxt 19 yaşı olan Elias İrizarri 14 gün həbs cəzası alıb.
İndi o, Pentaqonun Xüsusi Əməliyyatlar və Aşağı İntensivlikli Münaqişələr İdarəsinin terrorla mübarizə bölməsində çalışır. Bu təyinat həmkarları arasında narahatlıq yaradıb.
Mənbələr bildirir ki, İrizarrinin vəzifəsi məxfi məlumatlara çıxış tələb edir. O, səfirliklərin mühafizəsi və girovların xilası kimi həssas məsələlərlə məşğul olur.
Pentaqonun mətbuat katibi əvəzi Coel Valdez İrizarrini "ixtisaslı və vətənpərvər" adlandırıb.
Məhkəmə materiallarına əsasən, İrizarri iki dostu ilə Kapitoliyə basqına qoşulub və sonradan günahını etiraf edərək peşman olduğunu bildirib.
