ABŞ Senatı Federal Ehtiyatlar Sisteminin (FES) yeni sədri vəzifəsinə Kevin Uorşun namizədliyini təsdiqləyib.
Senatın rəsmi saytına istinadən verilən məlumata görə, 54 senator lehinə, 45-i isə əleyhinə səs verib.
İndi ABŞ Prezidenti Donald Tramp Uorşun vəzifəyə təyin edilməsi haqqında fərman imzalamalıdır. FES sədrinin səlahiyyət müddəti 4 ildir.
Mayın 12-də Senat Uorşu 14 il müddətinə FES İdarəedicilər Şurasının üzvü seçmişdi. O, daha əvvəl də Şurada yer alıb, 2011-ci ildə isə vaxtından əvvəl istefa vermişdi.
Hazırkı sədr Cerom Pauellin səlahiyyət müddəti mayın 15-də başa çatır. Pauell Şurada qalacağını bildirib. O, 2018-ci ildə Tramp tərəfindən təyin olunmuş, sonra Bayden tərəfindən yenidən vəzifəyə gətirilmişdi. Tramp Pauellin faiz endirimlərini ləng apardığını tənqid edirdi.
Uorşun namizədliyi yanvarda Tramp tərəfindən irəli sürülüb. Uorş FES-in müstəqilliyini qoruyacağını və qərarlarını iqtisadi məlumatlara əsaslandıracağını bildirib.
