Şimali Koreya lideri Kim Çen In "Çve Hön" esminesinin Hərbi Dəniz Qüvvələrinə təhvil verilməsi mərasiminə qatılaraq, qarşıdakı beş il ərzində hər il iki esmines hazırlanması göstərişi verib.
Oxu.Az xəbər verir ki, bu barədə Koreya Mərkəzi Teleqraf Agentliyi (KCNA) məlumat yayıb. Kim Çen In qeyd edib ki, yeni beşillik planda hər il 10 min ton su sıxışdırmalı kreyserlər də daxil olmaqla, "Çve Hön" sinfinə aid iki suüstü gəmi yaradılmalıdır.
Dövlət başçısı donanmanın döyüş potensialının gücləndirilməsi, müşayiət və xüsusi təyinatlı gəmilərin istehsalı, habelə sualtı silah sistemlərinin layihələndirilməsi planlarının əhəmiyyətini vurğulayıb.
Kim Çen In Koreya Fəhlə Partiyasının plenar iclasında yeni hərbi dəniz bazalarının qurulması qərarının qəbul edildiyini də açıqlayıb. Qeyd edək ki, "Çve Hön" gəmisi ötən il suya buraxılma zamanı zərər görmüş və üç şəxs həbs olunmuşdu.
