Ermənistan Baş Prokurorluğu sabiq prezident Robert Koçaryana qarşı cinayət təqibinə başlanılması üçün razılıq verilməsi məqsədilə Mərkəzi Seçki Komissiyasına (MSK) müraciət edib.
Bu barədə MSK-nın bəyanatında bildirilib. Analoji müraciətlər deputatlığa namizədlər Asatur Koçaryan və Ruslan Barseqyana qarşı da təqdim edilib.
Xatırladaq ki, iyunun 14-də Robert Koçaryanın ofisi onun ölkə xaricinə üçgünlük səfər planlaşdırdığını açıqlamışdı. Lakin sonra məlum olub ki, sabiq prezidentin hava limanından ölkəni tərk etməsinə icazə verilməyib.
İyunun 7-də keçirilən parlament seçkilərində "Ermənistan" bloku üçüncü siyasi qüvvə olub.
