Kolumbiya Prezidenti Qustavo Petro dövlət başçısı seçkisində ilkin səs sayımı nəticələrini rəsmən tanımadığını elan edib.
O, öz "X" hesabında yazıb ki, seçki komissiyalarının protokolları tam işlənənə qədər gözləyəcək.
Petro bildirib: "Prezident olaraq, Bautista qardaşlarının özəl şirkətinin ilkin hesablama nəticələrini tanımıram. Səslərin sayılması proqramının alqoritmləri son həftə ərzində üç dəfə dəyişdirilib. Rəsmi siyahıda olmayan 800 min nəfərin identifikasiya nömrəsi əlavə edilib."
O, qeyd edib ki, bu səs sayımı hüquqi cəhətdən məcburi deyil. "Qanuna uyğun olaraq, hakimlərin rəhbərlik etdiyi sayma komissiyalarının nəticələrini tanıyacağam."
Seçki mayın 31-də keçirilib. İlkin məlumatlara görə, ultrasağçı Abelardo de la Esprielya 43.74%, solçu İvan Sepeda isə 40.90% səs toplayıb. Onlar iyunun 21-də ikinci tura çıxacaqlar.
