Birləşmiş Ərəb Əmirlikləri (BƏƏ) Səudiyyə Ərəbistanı və Qətəri İrana qarşı birgə hərbi əməliyyatlara cəlb etməyə çalışsa da, uğursuz oldu.
Oxu.Az-ın məlumatına görə, bu barədə "Bloomberg" nəşri xəbər dərc edib.
Fevral ayının sonunda ABŞ və İsrailin İrana hücumlarından sonra BƏƏ rəhbəri Məhəmməd bin Zayed Ən-Nəhyan ortaq mövqe üçün Səudiyyə vəliəhdi Məhəmməd bin Salman və digər liderlərlə telefonla danışıb.
BƏƏ İranı dayandırmaq üçün birgə addımlar istəsə də, Körfəz ölkələri toqquşmanın onlara aid olmadığını bildirib. Gərginlik BƏƏ-Səudiyyə münasibətlərinə zərər vurub.
Nəticədə BƏƏ təkbaşına məhdud addımlar atmaq qərarına gəlib.
Məlumata görə, bu vəziyyət Körfəz Əməkdaşlıq Şurası üzvləri arasında ixtilafları dərinləşdirib və enerji obyektlərinə hücumlar səbəbindən regional sabitlik pozulub.
