ABŞ-də fəaliyyət göstərən kriptovalyuta şirkətləri 2026-cı il aralıq seçkisinin ən böyük korporativ sponsorları olub.
Oxu.Az xəbər verir ki, "Public Citizen" təşkilatının hesabatına görə, "Ripple", "Crypto.com", "Coinbase" və digər layihələr siyasi komitələrə ümumilikdə 189 milyon dollar ianə edib.
Bu məbləğ il ərzində korporativ siyasi vəsaitlərin 37%-ni təşkil edir. Ən çox vəsait Donald Trampı dəstəkləyən "MAGA" təşkilatına (56.2 milyon dollar) və "Fairshake" komitəsinə (82.6 milyon dollar) yönəldilib.
İri sponsorlar: "Andreessen Horowitz" 51.65 milyon, "Ripple" 49.6 milyon, "Crypto.com" 38.6 milyon, "Coinbase" 35.2 milyon dollar ianə edib. "Gemini" birjası və Uinklvoss qardaşları isə 27.5 milyon dollar ayırıb.
