ABŞ-nin Kubaya qarşı yeni sanksiyaları tətbiq etməsi Havana ilə Vaşinqton arasında gərginliyi artırdı. Kuba Prezidenti Miqel Dias-Kanel bu addımların blokadanı sərtləşdirdiyini bildirib.
Dias-Kanel iyunun 5-də "X" hesabında ABŞ-nin hədələyici bəyanatlarını pisləyib. O, Maliyyə Nazirliyinin Kuba liderlərinə, təşkilatlarına və şirkətlərinə qarşı qanunsuz sanksiyalar tətbiq etdiyini vurğulayıb.
Prezidentə görə, bu təzyiqlər Kuba xalqına zərər vurur. Lakin Kuba rəsmiləri Vaşinqtonun siyasətinə qarşı mübarizə aparmağa hazır olduqlarını deyiblər.
Xatırladaq ki, iyunun 4-də Tramp ABŞ-nin Kubada dövlət quruluşunu dəyişdirmək məqsədini açıqlayıb. Ertəsi gün ABŞ Maliyyə Nazirliyi Raul Kastronun qohumlarına, o cümlədən oğluna, nəvəsinə və iki nəfərə sanksiya tətbiq edib.
