Kubanın yanacaq ehtiyatları tamamilə tükənib. Bu, ölkədə uzun müddətli elektrik kəsintilərinin əsas səbəblərindən biridir.
Energetika və dağ-mədən sənayesi naziri Visente de la O Levi "Mesa Redonda" telekanalında bildirib ki, ölkədə mazut və dizel yanacağı yoxdur.
"Bizdə olan tək şey öz yataqlarımızdan çıxarılan səmt qazı və yerli neftdir", - deyə nazir əlavə edib.
Kuba dekabrdan bəri yanacaq tədarükü almayıb. Yeganə böyük partiya dörd ay sonra Rusiyadan 100 min ton neft ianəsi olub. Bu, kəsintiləri müvəqqəti azaltsa da, ehtiyatlar mayın əvvəlinə tükənib.
Hökumət enerji keçidi strategiyası ilə yerli neft-qaz istehsalını və günəş enerjisini inkişaf etdirməyi planlaşdırır.
