Rusiya xarici işlər naziri Sergey Lavrov ABŞ Dövlət Departamentinin rəhbəri Marko Rubio ilə telefon danışığı aparıb.
Oxu.Az "Kommersant" nəşrinə istinadən xəbər verir ki, XİN rəhbəri dövlət katibinə Rusiya Silahlı Qüvvələrinin Kiyevdəki obyektlərə "sistemli və ardıcıl zərbələr" endirməyə başlayacağını bildirib.
Lavrov vurğulayıb ki, Rusiya Xarici İşlər Nazirliyi digər ölkələrə öz vətəndaşlarını Kiyevdən təxliyə etməyi tövsiyə edib. Nazir bəyan edib ki, Ukrayna və Avropa ölkələrinin hakimiyyətləri Rusiya və ABŞ prezidentləri Vladimir Putinlə Donald Tramp arasında 2025-ci ilin avqustunda Ankoricdə əldə olunmuş razılaşmaları sarsıdırlar.
Lavrov və Marko Rubio, həmçinin Rusiya və ABŞ-nin bir-birinin ərazisində yerləşən diplomatik nümayəndəliklərinin iş şəraitini normallaşdırmaq niyyətini təsdiqləyiblər. Bundan əlavə, tərəflər Hörmüz boğazındakı böhranı və Kuba ətrafındakı vəziyyəti müzakirə ediblər.
