Malayziyanın müdafiə naziri Datuk Seri Məhəmməd Xalid Nordin Norveçi əvvəlcədən imzalanmış müqaviləyə əməl etməməkdə ittiham edib. Norveç Malayziyaya "Naval Strike Missile" raketlərinin tədarükündən imtina edib.
Nazir Sinqapurda keçirilən təhlükəsizlik forumunda deyib ki, bu addım beynəlxalq razılaşmalara etimadı sarsıdır. O, Qərb ölkələrinin bu qərara kifayət qədər tənqid göstərməməsini "təhlükəli siqnal" adlandırıb.
Nordin beynəlxalq hüququn tətbiqində ikili standartlardan narahatlığını bildirib. Onun sözlərinə görə, inkişaf etməkdə olan ölkələr sərt tənqidə məruz qalır, güclü dövlətlər isə yumşaq reaksiya alır.
"Naval Strike Missile" Norveçin "Kongsberg Defence & Aerospace" şirkəti tərəfindən istehsal olunan gəmiəleyhinə raketdir. Həm dəniz, həm də quru hədəflərini məhv etmək qabiliyyətinə malikdir.
