Maymunah Mohd Şərif, BMT-nin Məskunlaşma Proqramının (UN-Habitat) sabiq icraçı direktoru, WUF13 çərçivəsində jurnalistlərə açıqlamasında liderlərin iqlim dəyişiklikləri ilə bağlı əlaqələr qurmasının vacibliyini vurğulayıb.
O bildirib: "Malayziyaya qayıtdıqdan sonra planların nəticələrini və qəbul olunmuş qərarları necə tətbiq edəcəyimizi müzakirə edəcəyik".
Şərif qeyd edib ki, liderlər iqtisadiyyat, ərzaq təhlükəsizliyi, yaşayış imkanları və insan rifahı kimi məsələlərdə də öncül rol oynamalıdır. Şəhərlərin mürəkkəb strukturlar olduğunu vurğulayan ekspert, iqlim dəyişiklikləri, dayanıqlılıq və şəhər gələcəyinin ayrılmaz olduğunu bildirib.
COP29-un qərarlarının şəhərlərdə tətbiqi məsələsinə toxunan qonaq, Dünya Şəhərsalma Forumunun urbanizasiya və şəhər inkişafı ilə bağlı olduğunu, bu qərarların Bakıdan kənarda da tətbiq edilməli olduğunu qeyd edib.
