Avropa Komissiyası (AK) ABŞ-nin "Meta" korporasiyasından Avropanın və digər rəqib şirkətlərin çat-botlarının WhatsApp messencerinə çıxışını təmin etməyi tələb edib.
Oxu.Az TASS-a istinadən xəbər verir ki, bu barədə AK-nin bəyanatında deyilir.
"AK Meta şirkətinə rəqib süni intellekt köməkçilərinin WhatsApp-a sərbəst çıxışını təmin etmək və AK-nin antiminhisar araşdırması başa çatana qədər bu çıxışı saxlamaq barədə göstəriş verib", - deyə məlumatda bildirilir.
AK vurğulayıb ki, Meta-ya qarşı aralıq icra tədbirindən istifadə edib: "Belə ki, sürətlə dəyişən bazarlarda rəqabət mübarizəsi yekun qərar çıxarılmasından hələ çox əvvəl uduzula bilər".
