2026 FIFA Dünya Kubokunun açılış matçı Meksika paytaxtı Mexikoda keçiriləcək. Maraqlıdır ki, bu şəhər həm də ölkənin yeganə Osmanlı abidəsinə ev sahibliyi edir.
Oxu.Az xəbər verir ki, bu barədə "Hürriyet" məlumat dərc edib. Osmanlı mənşəli mühacirlərin müstəqillik simvolu olaraq hədiyyə etdiyi saat qülləsi şəhərin diqqətçəkən abidələrindəndir.
Şəhərin tarixi mərkəzində yerləşən Osmanlı Saatı (Reloj Otomano) Meksika paytaxtında bir vəfa nişanəsi kimi dayanır. Hər gün minlərlə turist bu tarixi məkanı ziyarət edir.
Osmanlı Saatı təkcə memarlığı ilə deyil, daşıdığı tarixi məna ilə də diqqət çəkir. 1910-cu ildə Meksikanın müstəqilliyinin 100 illiyi münasibətilə Osmanlı əsilli türk, suriyalı və livanlı mühacirlər tərəfindən hədiyyə edilmişdir.
