Malayziya hökuməti 12 il əvvəl itkin düşmüş MH370 reysi ilə bağlı mühüm qərar verdi.
Nəqliyyat naziri Entoni Loke Sieu Fuk bildirib ki, 'Ocean Infinity' şirkəti ilə sualtı axtarış müqaviləsinin müddəti 30 iyun 2027-ci ilədək uzadılıb.
Müqavilənin əsas şərti olduğu kimi qalır: 'nəticə yoxdursa, ödəniş də yoxdur'. Qalıqlar tapılarsa, şirkət 70 milyon dollar mükafat alacaq.
Uzatma şirkətə qalan 7.428,54 kv.km-lik axtarış zonasını tamamlamağa imkan verəcək.
MH370, 2014-cü il martın 8-də Kuala-Lumpurdan Pekinə uçarkən itdi. Təyyarədə 227 sərnişin və 12 heyət üzvü var idi. 2015-ci ildə Malayziya rəsmən qəzanı təsdiqlədi, lakin qalıqlar hələ də tapılmayıb.
