Kriptovalyutanın ən böyük korporativ sahibi "MicroStrategy" şirkəti 32 Bitcoin satıb.
Şirkət hər sikkə üçün orta hesabla 77 135 dollardan ümumilikdə 2.5 milyon dollar dəyərində satış həyata keçirib.
Əməliyyat 26-31 may tarixləri arasında baş tutub. Bu barədə ABŞ Qiymətli Kağızlar və Birja Komissiyasına məlumat verilib.
"MicroStrategy" Bitcoin ehtiyatlarını qiymətli kağızların yerləşdirilməsi hesabına formalaşdırır. Şirkətin təsisçisi Maykl Seylor uzun illər Bitcoin satmayacağına söz vermişdi.
O, bir dəfə "Bitcoin satmaqdansa, böyrəyimi satsam daha yaxşıdır" demişdi. Lakin Borclar şirkəti ehtiyatları xərcləməyə məcbur edir.
İyunun 1-nə şirkətin 843 706 Bitcoin-i qalıb. 2020-ci ildən bəri aktivlərin alınmasına 63.87 milyard dollar xərclənib.
