Rusiyalı iş adamı və milyarder Mixail Smirnov, Leninqrad vilayətinin Priozersk rayonunda baş verən ağır yol qəzasında həyatını itirib.
Rusiya Daxili İşlər Nazirliyinin məlumatına görə, Smirnov idarə etdiyi Triumph Bonneville markalı motosikletlə hərəkət edərkən idarəetməni itirib və əks zolağa keçərək Haval markalı avtomobillə toqquşub. Zərbənin təsirindən ağır xəsarətlər alan Smirnov, təcili tibbi yardım gələnə qədər dünyasını dəyişib.
47 yaşlı Smirnov, 7.79 milyard rubl (185.5 milyon manat) sərvəti ilə Rusiya milyarderlər reytinqində 108-ci yerdə idi. O, Neva Oil və Baltic Fuel Company şirkətlərinin həmtəsisçisi idi, həmçinin restoran, neft, konsaltinq və qida çatdırılması sahələrində 20-yə yaxın müəssisə yaratmışdı.
2024-cü ildə iş adamı biznes fəaliyyətini dayandıraraq bütün aktivlərindən imtina etmişdi. Motosolidarity motosikletçilər birliyi qəzanın səbəbinin qəfil ötmə və ya motosikletin elektron qaz pedalının sıradan çıxması ola biləcəyini bildirir. Qəza yerindən görüntülərə görə, motosikletçi toqquşma anında bir neçə metr kənara atılıb. Araşdırma davam edir. Haval sürücüsü xəsarət almayıb.
