Rusiya paytaxtı Moskvada tanınmış "Moskovskiy Komsomolets" (MK) nəşrinin redaksiyasına silahlı hücum olub.
Hadisə barədə Oxu.Az Gazeta.ru Telegram kanalına istinadən məlumat yayıb.
Məlumata görə, kuvaltla silahlanmış şəxslər şəhər mərkəzində yerləşən redaksiya binasına soxulmağa cəhd ediblər. Onlar kobud davranıb, qapıları sındırmaqla hədələyib və şəxsiyyət vəsiqələrini göstərməkdən imtina ediblər.
Hücumçular üzlərini balaklava ilə gizlədib və kamuflyaj geyimdə olublar. MK-nın baş redaktoru Pavel Qusev onlarla danışmağa çalışsa da, cavab verməyiblər.
"Onlar üçüncü mərtəbəyə soxulub hər yeri dağıtdılar. Oradakı icarəçilərimiz var. Mərtəbə bağlanıb, qapılar və liftlər bloklanıb", - deyə Qusev bildirib.
