ABŞ-ın Nebraska ştatında güclü tornado yüzlərlə yaşayış evinə və sənaye obyektinə ziyan vurub.
CNN-in məlumatına görə, fəlakət zamanı sənaye müəssisəsində 70 nəfər olub, bina qismən uçub və ən azı üç nəfər yaralanıb.
Tornado həmçinin Texas və Ayova ştatlarında da təsir göstərib. Son 24 saatda regionda birdən çox tornado qeydə alınıb.
Yerli rəsmilər kütləvi elektrik kəsintiləri, enerji xətlərinin qırılması və yolların bağlandığını bildiriblər.
Meteoroloqlar mərkəzi ştatlarda daha bir neçə güclü qasırğa gözləyirlər.
