2018-ci ildə ağciyər fibrozu diaqnozu qoyulan Norveç şahzadəsi Mette-Marit, 52 yaşında ciddi sağlamlıq problemləri ilə üzləşib.
Kral sarayının məlumatına görə, şahzadənin vəziyyəti ağırlaşıb və o, donor orqanı üçün gözləmə siyahısına salınıb.
Həkimlər onun vəziyyətini kritik olaraq qiymətləndirir. Transplantasiya gözləyən Mette-Marit artıq rəsmi tədbirlərə qatıla bilməyəcək.
Əri şahzadə Hakon onun yanında olmaq üçün Yaponiyadan qayıdıb. Qızları İnqrid də Avstraliyadan təcili geri dönüb.
Ailə gümüş toy ildönümünü təxirə salmaq məcburiyyətində qalıb. Bundan başqa, Hakon Stokholmda keçiriləcək mərasimlərə qatılmayacaq.
Şahzadənin son vaxtlar ictimaiyyət arasına yalnız oksigen maskası ilə çıxdığı bildirilir. Kral özü də şahzadənin vəziyyətinin getdikcə pisləşdiyini etiraf edib.
