Havay adalarının ən yüksək dağı Mauna-Keanın zirvəsindəki Gemini North teleskopu, bir ulduzun həyatının son anlarını lentə alıb.
Associated Press-in məlumatına görə, bu, 1500 işıq ili məsafəsində yerləşən və "Büllur Kürə Dumanlığı" adlanan qoşa ulduz sistemidir. Ulduz öz xarici təbəqələrini atdıqda, qalan nüvə buludu minlərlə dərəcəyə qədər qızdıraraq parlaq edir.
Alimlər bildirir ki, planetar dumanlığın ətrafında fırlanan iki ulduzdan biri artıq mövcud deyil. Gemini North teleskopu NGC 1514 kimi tanınan bu dumanlığı keçən il müşahidə edib və rəngli təsviri tamamlanıb.
