Özbəkistanın "Əndican rəqsi" Ginnesin Rekordlar Kitabına dünyanın ən kütləvi milli rəqsi kimi daxil edilib.
Əndican şəhərində 20 min nəfər eyni vaxtda bu rəqsi ifa edib. Tədbir Babur Arena stadionunda baş tutub.
"Əndican rəqsi" sürətli tempi və ifadəli əl hərəkətləri ilə seçilir. Əvvəllər kişilər tərəfindən oynanılsa da, indi qadınlar arasında da populyardır.
Rekord, Əndicanın 2026-cı il üçün türk dünyasının mədəniyyət paytaxtı seçilməsi ilə eyni vaxta təsadüf edib. Ginnes nümayəndəsi prosesi izləyib və təsdiqləyib.
