Ermənistanın baş naziri Nikol Paşinyan bəyan edib ki, keçmiş prezident Robert Koçaryan həbs olunmalıdır.
Bu barədə newsarmenia.am saytı məlumat yayıb.
"1 mart işi" üzrə məhkum edilmiş və sonradan bəraət almış bir insan kimi deyə bilərəm ki, ədalət mühakiməsi zəfər çalmalıdır. Başqa cür ola bilməz. Şəxsən məsuliyyət daşıyan şəxslər var", - deyə Ermənistan lideri bildirib.
Onun sözlərinə görə, "1 mart işi" 100% açılıb və Ermənistanın hüquq-mühafizə orqanları Robert Koçaryanı məsuliyyətə cəlb etməli və həbs etməlidir.
Paşinyan vurğulayıb ki, bu baş verməyənə qədər heç kəs Ermənistanda ədalətli məhkəmə olduğuna inanmayacaq.
