İran Prezidenti Məsud Pezeşkian hökumətin İqtisadi Koordinasiya Şurasının iclasında çıxış edərək dövlət televiziyasını kəskin tənqid edib.
O bildirib ki, milli media hökumətin fəaliyyətini birtərəfli və sənədsiz təhlillərlə nüfuzdan salmamalıdır.
Pezeşkian çıxışında dəniz blokadasının İran iqtisadiyyatına təsir göstərdiyini etiraf edib. O qeyd edib ki, müharibə, sanksiyalar, ticarət məhdudiyyətləri və dəniz blokadası kimi amillərə baxmayaraq, qiymət dalğalanmalarını təkcə hökumətin fəaliyyəti ilə əlaqələndirmək doğru deyil.
Prezidentin sözlərinə görə, bəzi təhlillərdə bütün problemlərin yalnız hökumətdən qaynaqlandığı təsəvvürü yaradılır, halbuki xarici amillər də mövcuddur.
