Moskvanın İzmayılovski parkında qraf Andrey De Torbiyə silahlı hücum edən iki şübhəli saxlanılıb.
Rusiya polisi hadisə ilə bağlı 23 və 26 yaşlı iki nəfəri həbs edib. Onlardan birinin əvvəllər də oxşar cinayətlərə görə məhkum olunduğu bildirilir.
Hadisə zamanı qraf De Torbinin 80 min rubl dəyərində "Samsung" mobil telefonu qarət edilib. Şübhəlilər pnevmatik tapançadan istifadə ediblər. Zərərçəkən xəstəxanaya müraciət edib.
